لد الخييلي قصيده فل اخييلات

بسم الله الرحمن الرحيم





قصيده للشاعر الشاب فالح بن تميم ابن حويل الخييلي , قصيده معبّره قالها مفتخراً بربعه التغالبه ويقول فيها :







البارحه يوم المخاليق نيّام = قدام لا تلعب اغصون العصافير


خذيت لي سجه مع روؤس الاقلام= وقمت اتنقى من اخيار التعابير


اطوع الفكر على قد الاحلام =اقدم المعنى واجيب التفاسير


وهام الهجوس اللى له اسنين ماهام=ابحرتنا في مايجات التفاكير


وراحت بي افكاري على ماضي اعوام= وذكرتنا ربعي عسى ذكرهم خير


قاموا على العزه ولهم عزهم دام =ذيك الرجال اللى تهز الطوابير


عيال تغلب مطعم الطير لاحام= من نسل ابن كلثوم وكليب والزير


اليا اعتصبنا تنحني روس الاعلام =واسيوفنا ماتقصب الا الهوامير


رفيقنا يلقى مع العز ميقام = وعدونا مايجني الا المخاسير


حكام راحوا بدلوهم بحكام = وحنا على وضعنا من دون تغيير


من طالنا بالشر نطعمه الاحسام= ومن طالنا بالخير نجزاه بالخير


هذا عهدنا من قديمات الاعوام = اما حياة اعزاز والا فلا غير

وعذروني على القصور
وتقبلو تحياتي

صح لسانك ولسان قايلها

( عيال تغلب مطعم الطير لاحام= من نسل ابن كلثوم وكليب والزير )
هذا البيت من أفضل أبيات


و النعم و الله بالتغالبة كلهم الغريري منهم و المشوي و الخييلي

لا هنت على القصيدة يا بو فالح